Landnámssýningin

Á sýningunni er fjallað um landnám í Reykjavík og byggt er á fornleifarannsóknum sem fram hafa farið í miðbænum.

Miðpunktur sýningarinnar er skálarúst frá 10. öld, sem fannst þegar grafið var fyrir nýju húsi á horni Aðalstrætis og Túngötu. Búið var í skálanum frá því um 930 til 1000. Norðan við skálann fannst veggjarbútur sem er ennþá eldri, eða frá því um eða fyrir 871 og eru það elstu mannvistarleifar sem fundist hafa á Íslandi.

Margmiðlunartækni er notuð til að útskýra byggingarlag húsa á víkingaöld. Einnig er hægt að skyggnast inn í skálann með hjálp tölvutækni og ímynda sér hvernig lífi heimilsfólksins var háttað.

Á sýningunni er reynt að gefa hugmynd um umhverfi Reykjavíkur eins og það var við landnám. Þá eru sýndir munir sem fundist hafa við fornleifauppgröft í miðbæ Reykjavíkur.

Fjölskylduhornið

Landnámssýningin er fjölskylduvæn og býður upp á sérstakt fjölskylduhorn.

Leikur er nauðsynlegur bæði fyrir nútímabörn og þau sem lifðu fyrir þúsund árum síðan. Í fjölskylduhorninu okkar era að finna skemmtilega leiki og leikföng sem svipar til þeirra sem börn léku sér með á tímum landnáms. Þar er líka hægt að læra ýmislegt um lífið á landnámsöld.

Safnbúð Landnámssýningarinnar

Í safnbúð Landnámssýningarinnar í Aðalstræti er boðið upp á fjölbreitt úrval sérhannaðra minjagripa sem tengjast viðfangsefni sýningarinnar ásamt ýmiskonar handverki og hönnun. Einnig er til sölu gott úrval af bókum auk sýningarskrár Landnámssýningarinnar. Safnbúðin er opin á opnunartíma sýningarinnar.

  • Tegund: Vikings Heritage Literature Art Industry

<p><br/></p><p></p>

<